Vang truh Hop akŏm đei 793 ‘nu bơngai tang măt tơpă ‘noh jĭ dôm bơngai drŏ kăn jang hơgei, tang măt ăn kơ rim răih đe drŏ kăn, dôm hơdrĕch hơdrŭng, lui khop, tơdrong bơ̆jang păng khŭl tơpôl lơ̆m teh đak. Hop akŏm ‘măng âu hơlen lăng pơtôch tơdrong jang drŏ kăn păng tơdrong jang khŭl jăl jang 2022-2026, tơlĕch ăn trong jang, hơgăt, hơnăp jang păng trong bơ̆jang Khŭl, tơdrong jang drŏ kăn jăl jang 2026 – 2031.

Lơ̆m jơ năr Hop akŏm, Hop akŏm gô pôk khŭl kơdră chĕp kơ̆l Trung ương Khŭl vei lăng drŏ kăn Việt Nam jăl XIV, jăl jang 2026 – 2031; Hop akŏm kŭm akŏm pơma dơnuh găh dôm tơdrong tơlĕch jang lơ̆m jăl jang truh ‘noh đei: Hơnơ̆ng tơplih ‘nao tơdrong, trong bơ̆jang Khŭl; Hơdrin vang jang pơjing Đảng păng khŭl jang chĭnh trĭ rơgoh, pran kơjăp; Pơjing bơngai Drŏ kăn Việt Nam chăl ‘nao, tơgop hơtŏk tơiung joh ayŏ păng kon bơngai Việt Nam; Hơnăp jang đơ̆ng drŏ kăn lơ̆m hơtŏk tơiung mŭk drăm, tơgop bơ̆jang kiơ̆ tơdrong hơgăt jang tŏk hrĕnh, kơjăp kơ teh đak; Pơm ‘lơ̆ng kơjă kăp gĭt ŭnh hnam Việt Nam “hlôh vao, hơgei, phĭ tơnŏ, hiôk chơt”.