Tổng Bí thư Tô Lâm pơgơ̆r hop akŏm păng đei ƀai đŏk pơtôch kăp gĭt. Tổng Bí thư ră hơdah, Ƀan châ̆p hanh Trung ương hlôi pơma đam hăt hot, hơdah păng drơ̆ng nơ̆r hơlen Chih akŏm tơroi đơ̆ng Ƀan châ̆p hanh Trung ương jăl 13 gah dôm Hla bar chih pơtruh ăn Hop akŏm 14 kơ Đảng.

Trung ương sơkơ̆t hơdah lơ̆m jăl jang kăch mang 'nao, kăl akŏm pơm kiơ̆ 3 tơdrong jang tơm, noh jing jang kơtang gah pơkăp hơtŏk tơ-iung, drŭt kơtang tơdrong klah asong sơnong pơgơ̆r, hơtŏk jang gah khua hŏk, kơmăi kơmŏk trong jang 'nao rơgei, tơplih kơmăi kơsô̆; Akŏm tơplih trong pơm jang, hơtŏk 'lơ̆ng rơgei hăm bơngai jang, tơplih kơtang tơdrong jang kan ƀô̆; Pơtoi keh đang păng hơtŏk kơtang lơ̆m pơkăp jang mŭk drăm tơpôl. Ƀan châ̆p hanh Trung ương hlôi drơ̆ng nơ̆r hơlen tơdrong tơroi gah asong bơngai jang vă pơtruh ăn Hop akŏm mă 14 kơ Đảng; atŭm hăm noh hlôi pơma đam hơdah dôm tơdrong hơmet vă pơgơ̆r đei jơnei Hop akŏm 14 kơ Đảng.