Tơ̆ 'măng hop akŏm ou, Hơnih juăt jang Kuô̆k hô̆i hlôi hơlen lăng, pơma đam 45 tơdrong; lơ̆m noh, hlôi hơlen lăng, tơgop nơ̆r hăm 28 tơdrong pơtruh ăn Kuô̆k hô̆i ah 'Măng hop akŏm ưh đei pơkăp 'măng mă Mônh păng 2 tơdrong chih luơ̆t pơtruh ăn 'Măng hop  akŏm mă 2; hơlen 3 Tơchơ̆t khôi luơ̆t, 8 Tơchơ̆t kăl.

Kơdră Kuô̆k hô̆i pơgơ̆r hăm rim hơnih jang pơtoi akŏm keh đang tơdrong gơih hla bar kăl truh hăm bơngai jang tang măt ăn kuô̆k hô̆i hơdrol kơ hop akŏm, vă bơngai tang măt đei jơ năr đŏk hơlen mă hơdah hơdrol kơ pơma đam. Kơdră Kuô̆k hô̆i pơtruh nơ̆r hăm rim hơnih jang athei kơchăng, tenh kuăng hơmet ăn 'Măng hop akŏm Kuô̆k hô̆i kiơ̆ pơkăp 'măng mă 2 ah khei 10/2026, hơmŏ tơdrong jang chih akŏm luơ̆t, hơlen, tơchơ̆t dôm tơdrong kăp gĭt ah 'măng hop akŏm ou adoi lơ tơpă; tơ̆ hơnăp noh athei vei sơđơ̆ng tơdrong tơroi hăm Hơnih juăt jang Kuô̆k hô̆i ah 'Măng hop akŏm kiơ̆ pơkăp khei 8, 9 hăm dôm tơdrong hlôi đei tơlĕch lơ̆m Tơdrong jang ăn Jăl 3/2026./.