‘Măng pơdăh tơƀôh tơbăt ăn vă jê̆ 200 hla bơar, um rup găh jơhngơ̆m đon nuih mơng đơ̆ng rim kang ƀô̆ kĕch mang hlôi đei phak gron tơ̆ rim hnam pơnă Hỏa Lò, Sơn La, Côn Đảo, Phú Quốc, Hnam pơnă Buôn Ma Thuột păng hnam pơnă Đắk Mil. Hăm pêng tơdrong “Jal chô̆ jơ̆ng ti”, “Iung tơjră tŏk bŏk gơmăng” păng “Kiơ̆ yok rok jơ̆ng”, tơdrong pơgơ̆r ou tơƀôh hơdăh dơ̆ng ‘măng kơdou klĕnh đơ̆ng hnam pơnă chư̆ kơnê̆ atŭm hăm jơhngơ̆m đon iung tơblăh nuih mơng đơ̆ng rim kang ƀô̆ ƀô̆ đô̆i. ‘Nou jĭ tơdrong pơgơ̆r vă pôk pơ ư rim jơhnơr mĕ ƀă yă ƀok, pơtho pơhrăm jơhngơ̆m đon ‘mêm kơ eng teh đak ăn jơhnơr mơlôh, adoi jing tơdrong kăl hloh mưh Hnam pơnă Buôn Ma Thuột đei tơgoăt kơtă lơ̆m iung tơblăh atŭm kơ lơ̆m teh đak.