Tơdrong tơlĕch jang tơrĕk kơtă truh pơhlom 477 unh hnam kon pơlei, hăm hloh 2.000 măt bơngai tơ̆ xah Phước Dinh. Tơchơ̆t kơ tơdrong tơlĕch jang noh vei sơđơ̆ng ăn kon pơlei truh hơnih oei 'nao gơh hơrih hơtŏ dah mă 'lơ̆ng hloh kơ hơnih oei so, brư̆ brư̆ sơđơ̆ng tơdrong hơrih đunh đai. Jên asong ming man noh hloh 3.200 tih hlj.

Vă keh đang tơdrong ming man Hnam kơmăi Unh hơyuh hat nhơ̆n Ninh Thuận 1 păng 2 hơdrol kơ sơnăm 2031, Kuô̆k hô̆i hlôi tơbang dôm tơchơ̆t kăp gĭt, mă kăl noh tơdrong hrŭ 'mong, tơgŭm hơnih oei 'nao hăm pơkăp kơjung hloh vă vei sơđơ̆ng tơdrong pơyua ăn kon pơlei. Phŏ Thủ tướng Bùi Thanh Sơn pơgơ̆r rim hơnih jang tơm, rim tơring đei tơrĕk dah tenh kuăng pơm jang dôm tơdrong yông 'nhăk kon pơlei oei tơ̆ nai, vă iŏk teh ming man kiơ̆ trŏ tơchơ̆t, vei sơđơ̆ng tơdrong hơrih xa đunh khei năr ăn kon pơlei.