‘Măng năm ngôi đei lơ̆m tơdrong pơgơ̆r joh hơri hơxoang “Ƀơ̆r hơri tơbôl Việt - Trung”. Ƀok Ngô Minh Hiển pơma hơdăh: Radio nơ̆r pơma Việt Nam hơnơ̆ng năng kăl tơdrong pơvei jang hơdoi hăm Trung Quốc, tơƀôh hơdăh kiơ̆ đơ̆ng dôm tơdrong tơroi lơ̆m radio – pơdăh um rup tơgŭm ăn kon pơlei 2 teh đak hlôh vao roi lơ ƀiơ̆ găh tơdrong pơvei kăp gĭt âu.

Mă loi, tơdrong jŏh hơri hơxoang đei pơgơ̆r lơ̆m ‘năr 18/7 vă hơiă kơ 75 sơnăm pơjing tơdrong pơvei jang tơbôl Việt – Trung păng “Sơnăm tơƀâp băl ‘lơ̆ng hơiă 2025”. Ƀok Hoàng Trí Hằng – Phŏ kơ dră Anih Radio – pơdăh um rup Quảng Tây pơma hơdăh: Radio nơ̆r pơma VN jĭ anih jang hơdoi gĭt kăl hăm lơ tơdrong tôch đei yoa lơ̆m khei ‘năr âu ki. Tơdrong tơƀâp, joh hơri ‘măng mă âu đei jơnei ‘lơ̆ng, hơnơ̆ng tưk tơiung tơdrong ‘lơ̆ng đơ̆ng tơdrong pơvei kơ 2 teh đak.