Pơgê 19/1, lơ̆m jơhngơ̆m đon lăng găh Hop akŏm bơngai tang măt lơ̆m teh đak ‘măng mă XIV kơ Đảng, Khŭl hơdruh tơdăm anih jang Trung ương Đoàn Hơdruh tơdăm Cộng sản Hồ Chí Minh hlôi pơgơ̆r tih Lêh chao kơ kơkuh chơt hơiă Hop akŏm tơ̆ anih jang Trung ương Đoàn. Đơ̆ng hơnih pơih pơdăh ti vi tơpăt Trung ương, jang kiơ̆ athei đơ̆ng Trung ương Đoàn, rim kơdră Đoàn lơ̆m teh đak, đơ̆ng xăh, phường, tơring gĭt kăl truh rim hnam trưng hŏk hlôi pơgơ̆r Lêh chao kơ.

Tơdrong jang tơƀôh tơdrong ‘mêm, đon lui păng jang tơnăp đơ̆ng sơnăm mơlôh hăm Đảng păng Teh đak, hơdai hăm tơƀôh hơdăh tơdrong drơ̆ng 1 nơ̆r, hrơ̆ch lơ̆m bơ̆jang đơ̆ng pơgơ̆r Đoàn. ‘Nâu kŭm jing hơnih pơtơm blŭng ăn ‘măng hŏk hôp chĭnh trĭ jrŭ să, tơgop pơm hơtŏk đon tơchĕng kach mang, pơm đei jơhngơ̆m đon tơnăp păng băt kơchăng đơ̆ng jơhnơr mơlôh tơ̆ hơnăp dôm trong jang tih kơ teh đak.