Kon pơlei lui kơjăp lơ̆m tơdrong tơchơ̆t kăl kơ Hop akŏm tih, mă kăl hloh dơ̆ng ‘noh dôm jăl trong atŏk tơ iung ‘nao kơ Teh đak. Tơ̆ rim pơlei pơla Dak Lăk, jơhngơm đon chơt hơ iă kơkuh chơt hơ iă Hop akŏm tih kơdră tang măt lơ̆m teh đak ‘măng mă XIV kơ Đảng đei tơƀôh hơdăh hăm dôm tơdrong jang hơdăh.

Đơ̆ng hla kơ ƀrê păr mơ liơk tơ̆ hơnăp rông truh jơva chĭng chêng, ge tơdrô păng chă hơsoang tăp dăr pôi ŭnh, kon pơlei rim pơlei pơla pơtruh jơhngơ̆m đon lui kơjăp, hơmŏ kơtang lơ̆m Hop akŏm tih kơ Đảng.

Tơ̆ dêh char Gia Lai, jơ̆p trong nơnăm, koeng ƀôt, hơnih bơ̆ jang jei ƀrông ƀrang hla kơ, ƀăng rôn, nơ̆r pơrô̆ pơrôp. Đơ̆ng rim jăl trong tơter đak dơsĭ truh tơring kơdrơ̆m, tơring hơtăih yăih sơlam teh đak, pơlei pơla đei hơmet pơ ‘lơ̆ng, lang să jơ ‘năr chơt hơ iă kơkuh chơt hơ iă ‘măng pơgơ̆r chinh trĭ gĭt kăl hloh kơ teh đak.