Pơma ah 'măng akŏm, Phŏ Kơdră Kuô̆k hô̆i Vũ Hồng Thanh bơnê kơ Hơnih jang Măt trâ̆n tôh kuô̆k Việt Nam dôm jăl, Hơnih Asong jang Việt Nam, Hơnih Asong jang dêh char Quảng Ngãi păng dôm hơnih vang jang hlôi kơchăng hơvơn tơdrong tơgŭm lơ̆m tơpôl, pơgơ̆r lơ tơdrong jang kăp gĭt vă tơgŭm Têt ăn bơngai jang, unh hnam hin dơnuh, unh hnam mă teh đak tơchơ̆t tơgŭm păng dôm bơngai tơnap tap nai.

Ră hơdah sơnong jang lơ̆m khei năr truh, Phŏ Kơdră Kuô̆k hô̆i Vũ Hồng Thanh pơtruh nơ̆r hăm Hơnih jang Măt trâ̆n Tôh kuô̆k păng dôm jăl jang Kŏng đoan pơtoi hơlen tơnăp, tơtom băt tơdrong hơpơi 'meh đơ̆ng kon pơlei păng bơngai jang; kơchăng tơgŭm tơlĕch trong jang tơnăp vă tơgŭm tơtom hloh ăn tơdrong hơrih đe đoan viên, bơngai pơm jang.