Tơ̆ jơ hop akŏm, Thủ tướng tơbăt iŏk đơ̆ng dôm năr blŭng sơnăm 2026 hlôi kơtă hơlen lăng lơ tơdrong jang, pơlung kang ƀô̆, kŏng nhân, bơngai jang tŏk bŏk bơ̆jang tơ̆ rim tơdrong jang.

Pơma hơdăh pơđĭ khŭl jang chĭnh trĭ tŏk bŏk akŏm tơlĕch jang Tơdrong tơchơ̆t Hop akŏm XIV kơ Đảng păng dôm hơnăp jang hơtŏk tơiung mŭk drăm - tơpôl sơnăm 2026, Thủ tướng athei bơ̆jang kiơ̆ tơdrong kăl “6 rơđăh”: rơđăh bơngai, rơđăh tơdrong, rơđăh hơnăp jang, rơđăh khei ‘năr, rơđăh tơmam, rơđăh đei yua; kiơ̆ đơ̆ng noh pơtrŭt hrĕnh dôm tơdrong jang tơm nhen Tuyên Quang – Hà Giang, Hữu Nghị – Chi Lăng, Đồng Đăng – Trà Lĩnh, Cao Lãnh – An Hữu, Khánh Hòa – Buôn Ma Thuột, Trong ver 3 pơlei tơm Hồ Chí Minh păng Châu Đốc – Cần Thơ – Sóc Trăng.