Tổng Bí thư ră hơdah, kiơ̆ pơkăp pơtôch, iŏk yua dôm tơdrong akŏm trŏ ƀlep kơ Tơchơ̆t păng Pơkăp hơdrol ki; pơtoi hơlen chih akŏm dôm tơchơ̆t 'nao, tơdrong 'nao, pơkăp 'nao mă trŏ ƀlep hăm tơdrong đei ƀôh. Athei pơkăp tơdrong hơlen păng kih luơ̆t Đảng lơ̆m tơdrong jang pơ-'lơ̆ng Đảng, hơtŏk tơdrong vei lăng teh đak păng pơm kiơ̆ dôm tơchơ̆t jang hơtŏk tơ-iung teh đak tơlĕch ah Hop akŏm 'măng mă 14 kơ Đảng. Sơkơ̆t hơdah hơlen jing trong pơgơ̆r jang kăp gĭt kơ Đảng, adoi jing trong jang vă Đảng kơdih hơmet, kơdih vei lăng, kơdih keh đang, kơdih hơtŏk; jing tơmam vă chă hơlen tơdrong pơgơ̆r, vei sơđơ̆ng kih luơ̆t tơchơ̆t; jĭ tơdrong tơm vei sơđơ̆ng trong jang trŏ ƀlep kơ Đảng đei pơm jang tơnăp lơ̆m tơdrong hơrih.

Gah dôm tơdrong jang hơdah kơ Tơchơ̆t păng Pơkăp, Tổng Bí thư athei tơplih kơtang gah dăr hơlen jing tơchơ̆t tang găn hrôih, đơ̆ng hơtaih; hơlen tơdrong pơgơ̆r kơtă lơ̆m tơdrong pơm jang; ƀôh băt tơdrong ưh kơ 'lơ̆ng hơdrol kơ ƀôh đei tơdrong glăi. Pơih să tơdrong dăr hơlen, vei sơđơ̆ng tôm trong tơlĕch jang đơ̆ng Đảng đei pơgơ̆r jang tơnăp, đei jơnei.