Thủ tướng hôn bơnê kơ Hơnih tơm Ƀô̆ đô̆i vei lăng sơlam teh đak hlôi bơ̆ jang keh đang ‘lơ̆ng hloh tơdrong jang sơnăm 2025, atŏk tơ iung kmăi kmŏk pơm tơlĕch tơmam drăm vei lăng teh đak, hơmet pơ ‘lơ̆ng ƀrơ̆m phao kơtoang, kmăi kmŏk ăn rim khul ƀô̆ đô̆i kiơ̆ trong gơh hơgei. Khei năr kơnh, Thủ tướng Teh đak athei Hơnih tơm Ƀô̆ đô̆i vei lăng sơlam teh đak hơnơ̆ng tơlĕch jang kiơ̆ kơjăp, jơnei trong pơrô̆ iung jang đơ̆ng Đảng, mă kăl ‘noh jang kiơ̆ ‘lơ̆ng "2 vei kơjăp, 2 atŏk kơtang, 2 tang găn hơlou”, “5 kơjăp iăp kơtang”; iung jang tơplih ‘nao, tơchăr hơgei, chă tơchĕng hơlen, pơm tơlĕch ƀrơ̆m phao kơtoang gơh hơgei hloh, jang kiơ̆ jơnei trong tơlĕch jang sơnăm 2026. Pơ đĭ lơ̆m khul akŏm iung jang kiơ̆ tơdrong jang Tơ iung pơjing Khul Ƀô̆ đô̆i gơh hơgei, hơbĕch hơbal, nuih mơng, pran kơtang, iung jang jơnei lơ̆m bơ̆ jang tơbôl vei lăng sơđơ̆ng teh đak; kiơ̆ yok rok jơ̆ng trong jang kơdih pơvih pơvăn tôm tong jang kiơ̆ rim tơdrong jang kmăi kmŏk vei lăng teh đak, bơ̆ jang pơvih pơvăn, kih thuơ̆t.