Iung pơma tơ̆ jơ tơƀơ̆p, Kơdră chĕp pơgơ̆r Kuô̆k hô̆i Trần Thanh Mẫn hôn bơnê kơtang dôm tơdrong tơgop đơ̆ng drŏ kăn tang măt Kuô̆k hô̆i păng kang ƀô̆ drŏ kăn lơ̆m bơ̆ jang tơ iung pơjing khôi luơ̆t, dăr lăng păng tơchơ̆t rim tơdrong kăl kơ teh đak. Kuô̆k hô̆i jăl XVI đei 150 ‘nu drŏ kăn tang măt, tơmơ̆t 30% akŏp bơngai tang măt. Kơdră chĕp pơgơ̆r Kuô̆k hô̆i athei rim drŏ kăn tang măt hơnơ̆ng iung jang ‘lơ̆ng jơhngơ̆m đon gơh hơgei, nuih mơng, jơhngơ̆m đon tơplih ‘nao; pơm hơtŏk bơ̆ jang ‘lơ̆ng dăr lăng, tơblang hơdăh rim tơdrong vă pơjing khôi luơ̆t, mă kăl dôm tơdrong jang tơgŭm djru đei ƀơm truh tơdrong hơrih sa tơpôl, pơtho pơhrăm, jang pơgang, tơdrong jang, tơdrong đei iŏk yoa ăn bơngai drŏ kăn păng hơ ioh. Adoi, hơnơ̆ng jing gơng tơroh kloh klĕch ƀar păh bơngai tăh hla hăm hop akŏm, tơbăt hơdăh jơhngơ̆m đon hơpơi ‘meh vă đơ̆ng kon pơlei, mă kăl ‘noh drŏ kăn păng kon pơlei kon kông.