Tơ̆ jơ sơng, ƀar ‘nu kơdră chơt hơ iă ƀôh tơdrong tơgoăt tơgoăl Jang hơdoi gĭt kăl tôm tong Việt Nam - Nhật Bản yak mơ̆t lơ̆m sơnăm mă 3 hơnơ̆ng atok tơ iuntg kơtang, ‘lơ̆ng hơ iă, jơnei lơ̆m rim tơdrong hăm lui yom chinh trĭ kơtang. Nhật Bản hơnơ̆ng jĭ teh đak jang hơdoi mŭk drăm gĭt kăl hloh kơ Việt Nam, jĭ teh đak jang hơdoi kơsô̆ 1 găh jang hơdoi ODA păng bơngai jang, teh đak tơmơ̆t jên jang tih hloh dơ̆ng mă 3, teh đak jang hơdoi mơdro sa păng tơmang pơhiơ̆ mă 4. Jang hơdoi tơring păng kon pơlei năm ngôi dih băl kơ ƀar teh đak roi năr roi ‘lơ̆ng hơ iă hăm đei hloh 100 khul tơring pơvei dih băl, lơ̆m ou đei hơnăp jang kơ tơpôl 5.000 ‘nu bơngai Việt Nam tơ̆ dêh char Yamanashi păng 40 hơnih mơdro sa dêh char Yamanashi tơ̆ Việt Nam.