Hop akŏm pơgơ̆r lơ̆m 2 năr ‘năr 7 păng 8/5 hăm tơdrong vang akŏm đơ̆ng kơdră chĕp kơ̆l dôm teh đak ASEAN păng Tổng Thư ký ASEAN. ‘Nâu jĭ 1 lơ̆m 2 hop akŏm kơdră kơpal rim sơnăm gĭt kăl hloh kơ ASEAN lơ̆m sơnăm 2026 vă hơlen lăng tôm tơdrong apŭng plĕnh teh, tơring păng drơ̆ng nơ̆r dôm trong jang hơdai gĭt kăl tơ̆ hơnăp kơnh.

Tơ̆ hop akŏm, dôm teh đak akŏm pơma dơnuh lơ tơdrong ƀơm truh pơvei tơdrong rơngei, sơđơ̆ng tơring, hơtŏk loi dơ̆ng jang hơdai mŭk drăm, tơplih kơsô̆ păng hơtŏk ‘lơ̆ng hơnăp jang tơm kơ ASEAN. Tơdrong Thủ tướng Lê Minh Hưng vang truh hop akŏm hơnơ̆ng tơƀôh hơdăh ASEAN jing tơgŭm gĭt kăl hơdrol lơ̆m trong jang tơgŭm tơbôl kơ Việt Nam, hơdai hăm tơƀôh trong yak jang tơbôl hiôk hian, pơm tơm kơdih, lơ pang, pơm tơdrong pơvei apŭng plĕnh teh kiơ̆ jơhngơ̆m đon Hop akŏm XIV kơ Đảng.