Kiơ̆ tơroi ah hop akŏm, 6 khei blŭng sơnăm 2026, tôm khul linh hlôi jang tơnăp tơchơ̆t kơchăng tơjră kơnê̆, băt hơdah tơpôl lơ̆m tơring păng tơtom tơgŭm ăn kơ Đảng, Teh đak sek tơlang mă tenh, đei jơnei dôm tơdrong đei, vei lăng kơjăp tơring teh kơ teh đak. Khei năr truh, tôm khul linh athei băt hơdah tơdrong pơgơ̆r jang đơ̆ng Tổng Bí thư, Kơdră teh đak bơ̆n Tô Lâm, Ƀĭ thư Kuân uy Trung ương, 'noh jing tơchơ̆t khŏm mă keh đang jang đei jơnei tơdrong jang ah sơnăm 2026.

Lơ̆m noh, dôm tơdrong jang tơm 'noh hơtŏk gơh hloh gah tơdrong tơroi tơbăt, tơtom sek tơlang đei jơnei dôm tơdrong đei ƀôh vă ưh đei kơdrŏt; athei hơmet 'lơ̆ng Trong jang vei lăng Teh đak mă trŏ ƀlep hăm tơdrong hơrih. Pơtoi jang kơjăp tơdrong kơchăng tơjră kơnê̆; vei lăng kơjăp tơring teh, tơring dơsĭ, sơlam teh păng sơđơ̆ng jang mạng. Lăng tơgĭt tơdrong hơvơn bơngai hơgei pơtrŏ hăm tơdrong jang 'nao hrei ou; hơtŏk kơtang hŏk pơhrăm păng pơm kiơ̆ đon bơnôh trong jang 'lơ̆ng đơ̆ng Hồ Chí Minh; hơtŏk jang đei jơnei tơdrong jang pơrô̆ pơrôp kon pơlei.