Thủ tướng lăng ‘lơ̆ng tơdrong tơgop đơ̆ng ADB hăm tơdrong hơtŏk tơiung mŭk drăm - tơpôl kơ Việt Nam lơ̆m hloh pêng jĭt sơnăm âu ki, mă loi ‘noh jĭ tơdrong jang hơdai lơ̆m dôm tơdrong jang nhen Tơchơ̆t Ming man anih jang kăl lăp hăm tơplih tŏ ‘mi kial tơ̆ Quảng Trị păng Phú Yên.

Việt Nam tŏk bŏk bơ̆jang kiơ̆ 3 tơdrong ‘lơ̆ng gĭt kăl, lơ̆m noh đei trong nơnăm păng ŭnh hơyuh. Thủ tướng athei ADB hơnơ̆ng tơgŭm ăn dôm tơdrong jang tih, đei hloi trong gre kơdâu hrĕnh Bắc – Nam, dôm tơdrong jang ŭnh hơyuh rơgoh, păng anih pơtho pơhrăm, pơgang, khoa hŏk, kơmăy kơmŏk.