Tơ̆ Hơnih jang Cham gre păr apŭng plĕnh teh Phú Quốc, Thủ tướng pơma hơdăh ‘nou jĭ hơnih jang kăl kơ teh đak, athei rim hơnih ming man iung jang kơtang, kơjăp ‘lơ̆ng, sơđơng păng ‘lơ̆ng liĕm. Hăm trong tơlĕch ăn “ưh pơhoach 1 năr jang, ưh kơ hiơ hiơ̆ 1 giĕng, ưh kơ lê̆ hiong rơvơn 1 khei”, Thủ tướng athei iung jang tĕnh koăng, hơvơn kơtang khul jang kiơ̆ trong “kơdou răh pơrĕng răh”. Jơ ‘năr ou, Thủ tướng vang năm pơm lêh iung jang blŭng ƀar tơdrong vă jang Hơnih kơdrơ̆m tơm dơnơm Bãi Đất Đỏ păng Hơnih kơdrơ̆m tơm tơmang pơhiơ̆ cham char Núi Ông Quán, tơchĕng hơlou pơjing đei dơ̆ng dang 12.000 hơnih pơdơ̆h, hnam tĕch mơdro păng hơnih mơdro sa, tơgop sơđơ̆ng ‘lơ̆ng hơ iă oei sa pơvih pơvăn ‘lơ̆ng hloh ăn Hop akŏm APEC 2027.