Thủ tướng Phạm Minh Chính păng khul kơpal hlôi truh hơpong ngôi, thơ thou Têt hăm Kơdră so kơ teh đak bơ̆n Nguyễn Minh Triết; ƀok kơdră so kơ teh đak bơ̆n Trương Tấn Sang; Thủ tướng so kơ teh đak Nguyễn Tấn Dũng. Tơ̆ dôm hơnih truh hơpong ngôi, ƀơ̆t sơnăm 'nao Bính Ngọ 2026, Thủ tướng Phạm Minh Chính thơ thou hăm đe ƀok kơdră Đảng, Teh đak atŭm hăm tôm unh hnam grăng pran, jơnap păng jang đei jơnei; hơpơi 'meh đe ƀok kơdră kơpal kơ Đảng, Teh đak ling lang pran jăng, pơtoi tơrĕk, hơlen lăng, tơgop lơ nơ̆r kăp gĭt ăn tơdrong hơtŏk tơ-iung kơ teh đak, kơyuơ tơdrong phĭ tơtŏ dơnŏ 'lơ̆ng kơ kon pơlei.

Năm hơpong ngôi, thơ thou Têt hăm unh hnam păng plang hlôt nhang ƀlŏk tơbăt kơ dôm nhap ƀok kơdră so kơ Đảng, Teh đak, Thủ tướng Phạm Minh Chính thơ thou hăm unh hnam nhap ƀok Tổng Bí thư Nguyễn Văn Linh, nhap ƀok Kơdră Jơnŭm jang Ƀô̆ trương Phạm Hùng, nhap ƀok Thủ tướng Võ Văn Kiệt, nhap ƀok Thủ tướng teh đak bơ̆n Phan Văn Khải ling lang grăng 'lơ̆ng, sơđơ̆ng sơnêp sơnua, sơng Têt Bính Ngọ 2026 tơnŏ, sô̆ hơ-iă, sơnăm 'nao 'lơ̆ng hơkou păng jơnap.