Tơ̆ ‘măng hop akŏm, Thủ tướng Phạm Minh Chính pơ ư kơ dră chĕp kơ̆l dôm anih tơm, anih jang, tơring hlôi hơdrin tơlĕch jang “Tơdrong jang Quang Trung" păng pơma hơdăh ‘nâu jĭ jơhngơ̆m đon yua kơ kon pơlei; tơƀôh tơdrong jang gô pơtôch ‘lơ̆ng hơiă, lơ̆m noh, 34.759 tŏ hnam hlôi pơm hơmet đang, kon pơlei hlôi vih tơ̆ hnam păng oei sa hmă.

Hăm hnam man ‘nao, Thủ tướng akhan hlôi man đang 1.046 tŏ hnam, jang đei 65,5%, ‘nâu jĭ jơnei tôch kơ tih đơ̆ng rim anih tơm, anih jang, tơring. Lăp oei pă 2 dêh char Gia Lai păng Đắk Lắk kăl kơ hơdrin jang đang lơ̆m ‘năr 15/1. Thủ tướng akhan dôm hnam pơm đang athei đei ŭnh điên, đak, viễn thông, dôm tơmam kăl ăn kon pơlei.