Thủ tướng Phạm Minh Chính pơgơ̆r tơdrong hop akŏm 'măng mă 2 kơ Hơnih jang Teh đak APEC 2027
Thứ năm, 14:14, 29/01/2026
Lan chih tơblơ̆
Lan chih tơblơ̆
VOV.Bahnar – Kơsơ̆ 'năr brei (28/1), tơ̆ Hơnih jang tơm Phú Quốc, dêh char An Giang, Thủ tướng Phạm Minh Chính pơgơ̆r tơdrong hop akŏm 'măng mă 2 kơ Hơnih jang Teh đak APEC 2027 vă hơlen lăng tơdrong hơmet ăn Giĕng lêh akŏm kơpal APEC 2027 khei năr ou ki, atŭm hăm noh drơ̆ng nơ̆r sơnong jang tơm lơ̆m khei năr truh.
Tơchơ̆t ah pơtôch hop akŏm, Thủ tướng Phạm Minh Chính akhan, tơdrong pơgơ̆r đei jơnei Hop akŏm APEC 2027 tơ̆ Phú Quốc ưh hơdrô̆ jing tơdrong pơ-ư pơ-ang kơ An Giang mă oei tơgop kăp gĭt ăn tơdrong hơtŏk sơnong jang apŭng plenh teh kơ Việt Nam lơ̆m anglŏ sơnăm jang hơdoi lang să păng tơgar jang lơ̆m apŭng plenh teh.
Hăm sơkơ̆t lăng jơ̆p jang, đon tơchĕng jang tih, Thủ tướng akhan, athei iŏk yua trong hiôk pơgơ̆r Hop akŏm vă tơbang um rup kơ minh Việt Nam pran kơjăp, rơngei hiôk hian, gơh hơgei, 'mêm kơ tơmoi, tơnăp păng tơpăt jue.
Viết bình luận