Tơ̆ hop akŏm, Thủ tướng Phạm Minh Chính atŭm hăm kơdră kơ dôm anih jang hlôi bơ̆ng pang lêh pơkap Tơchơ̆t pơtơm asong jang, Hla bar sơkơ̆t asong jang, Hla bar tơbăt, tơchơ̆t ăn dôm tơdrong asong jang tơm lơ̆m dêh char.

Vă đei jơnei dôm tơchơ̆t tơlĕch lơ̆m Pơkăp, Thủ tướng athei Anih jang Đảng, jơnŭm pơgơ̆r tơring păng kon pơlei dêh char Bắc Ninh  hơdrin tơlĕch 03 sơnong jang tơm, 06 tơdrong jang hơtŏk tơ-iung hlôi đei sơkơ̆t hơdah lơ̆m pơkăp, mă kăl noh lơ̆m akŏm tơdrong asong pơm jang gah kŏng ngĭp păng tĕch pơdro, tơrĕk hơtŏk dôm tơdrong jang kŏng ngĭp pran, tơplih tơdrong hơvơn asong jang lơ̆m dôm tơdrong jang ‘nao. Gah hơvơn asong jang, Thủ tướng bơnê kơ dôm anih jang mŭk drăm, anih asong jang hlôi rơih dêh char Bắc Ninh vă asong jang; lui ngeh dôm tơdrong asong jang gô đei tơlĕch jang tơnăp đei iŏk jơnei.