Tổng Bí thư, Kơdră teh đak Tô Lâm pôk pơ ư dôm tơdrong jơnei gĭt kăl đơ̆ng khŭl lĭnh Quân khu lơ̆m hloh 80 sơnăm âu ki, hơdai hăm pơma hơdăh, hăm Quân khu 1, tơring sơlam să, hơnih teh mơmat tat, lơ hơdrĕch hơdrŭng vang hơrih sa.

Tổng Bí thư, Kơdră teh đak Tô Lâm athei, Quân khu 1 akŏm bơ̆jang kiơ̆ ‘lơ̆ng 5 hơnăp jang tơm, lơ̆m noh athei hơnơ̆ng vei kơjăp trong jang đơ̆ng Đảng găh khŭl lĭnh, vei lăng Teh đak lơ̆m tơdrong ‘nao; băt hơdăh tơring, tơdra hơdrol hrôih, hơlen lăng trŏ tơdrong, vang tơgŭm tơtom, ưh kơ lê̆ ưh kơ ê lơ̆m tơdrong hơyơ. Pơjing tơring tang găn lơ̆m tơring Quân khu roi ‘năr roi kơjăp; kơ kơhret kơjăp khŭl lĭnh hăm vei sơđơ̆ng, jang tơbôl păng hơtŏk tơiung mŭk drăm - tơpôl; vei kơjăp tơdrong pơm tơm, tơring sơlam, vei sơđơ̆ng tơring, vei kơjăp jơhngơ̆m kon pơlei đơ̆ng hrôih, đơ̆ng hơtăih, đơ̆ng tơring.