Kơsơ̆ năr 15/12/2025, tơ̆ Hà Nội, Thủ tướng Phạm Minh Chính vang năm pơm lêh tơbăt 50 sơnăm Hơnih bơ̆ jang vei lăng hơdrar teh đak păng pôk ăn Mê đak Bơ̆ jang pran kơtang dơ̆ng mă blŭng ăn khul jang Hơnih bơ̆ jang vei lăng sơdrar Teh đak găh Hơnih tơm jang Tơbôl. Iung pơma tơ̆ pơm lêh, Thủ tướng Teh đak pơma hơdăh hơdrar teh đak ‘noh jĭ tơbăt ăn tơdrong gĭt kăl hloh, tơklep kơjăp hăm tơdrong gei kơ jăp kơ hơdrĕch hơdrung Việt Nam. Thủ tướng sơkơ̆t hơdăh bơ̆ jang sơdrar teh đak ‘noh jing tơdrong jang kăl hloh kơ Đảng, kơ kon pơlei, kơ ƀô̆ đô̆i kŏng ang, hăm trong jang “rim ‘nu kon pơlei tơring sơdrar teh đak jĭ mĭnh hơdrơ̆ng hơrih”. Dôm bơngai bơ̆ jang vei lăng sơdrar teh đak kăl băt hlôh ƀôh hơdăh dôm tơdrong sơ̆ ki, tơdrong joăt joe oei sa pơma dơnuh, băt hơdăh groi teh vă xek tơlang trŏ lăp ‘lơ̆ng ƀlep, vei lăng tơdrong đei iŏk yoa kơ teh đak lơ̆m kơƀang tang dŏ xek tơlang păng lơ̆m yan ou. Thủ tướng athei Hơnih bơ jang vei lăng Sơdrar Teh đak hơnơ̆ng iung jang sơđơ̆ng kăl hloh ăn tơdrong đei iŏk yoa kơ teh đak - hơdrĕch hơdrung, vei kơjăp iăp kơtang pơm tơm kơdih, vei lăng keh kong groi teh, vei kơjăp rơngei hiôk hian, sơđơ̆ng, tơ iung pơjing trong sơdral teh đak rơngei hiôk hian, tơgoăt tơgoăl, jang hơdoi atŏk tơ iung kơjăp ‘lơ̆ng.