Kiơ̆ kơ Thủ tướng, tơplih kơsô̆, hơtŏk tơiung Khŭl kơdră teh đak kơsô̆, tơpôl kơsô̆ tŏk bŏk jing tơdrong ‘lơ̆ng tŏk ‘nao, ƀrư̆ ƀrư̆ tơƀôh hơdăh hơnăp jang ‘noh tơm kơ hơtŏk tơiung kơjăp. Thủ tướng pơma hơdăh, jô̆ đơ̆ng mơ̆t hơdai lơ̆m ASEAN, Việt Nam ling lang băt hơdăh ASEAN jing tơgŭm hơdrol lơ̆m tơdrong jang tơgŭm jang tơbôl.

Hơdai hăm dôm jơnei ‘lơ̆ng hlôi iŏk đei, Thủ tướng khan ASEAN kăl kơ tơpăt lăng ƀôh dôm long nol tih hrei ‘nâu, mă loi ‘noh pơjei tơdrong jang roi ‘năr roi kơhret lơ̆m tơdrong jang kơmăy kơmŏk, chih răk păng kơmăy kơsô̆. Tơ̆ hơnăp ‘meh vă ‘noh, Thủ tướng athei ASEAN pơtrŭt pơjing dôm trong jang pơlong lăng ăn kơmăy kơmŏk ‘nao, tơdrong jang tĕch mơdro ‘nao vă lang să jơ̆p lơ̆m tơring; hơdai hăm pơma hơdăh hơtŏk tơiung kơmăy hơgei athei tơklep hăm jơhngơ̆m đon ‘lơ̆ng, iŏk kon bơngai pơm tơm, pơyua ăn tơdrong hơgăt rơngei, jang hơdai păng hơtŏk tơiung kơjăp.