Thủ tướng tơbăt, lơ̆m sơnăm 2025, Khŭl kơdră teh đak păng Thủ tướng Teh đak hlôi pơgơ̆r kơtang tơdrong jang hơtŏk tơiung hnam oei, mă loi ‘noh jĭ hnam oei tơpôl, hăm tơdrong pơm đang hloh 102 rơbâu tŏ hnam, hơdai hăm tŏk bŏk yak truh tơdrong hơgăt pơm đang hrôih 1 triê̆u tŏ hnam oei tơpôl lơ̆m sơnăm 2028. Hơdai hăm ‘noh, tơdrong sut hnam pơgia, hnam hiah hiok, man hnam oei ăn bơngai đei kŏng đei jang đang hrôih hơdrol 5 sơnăm 4 khei; Tơdrong jang Quang Trung pơm hơmet, man dơ̆ng hnam oei ăn kon pơlei đei ƀơm ưh kơ ‘lơ̆ng yua đơ̆ng ‘mi kial đak lơ̆p pơrăm tŏk bŏk đei hăt hot tơlĕch jang.

Tơ̆ ‘măng hop akŏm, Thủ tướng athei akŏm hơlen lăng tôm tơdrong hnam oei păng tĕch mơdro teh, hnam truh đĭ jăl khei mă IV/2025, tơdrong asong tŏk iŏk jên răt teh, hnam, hơdai hăm tơlĕch tơdrong hơgăt hnam oei tơpôl ăn thuê jăl jang 2026– dôm sơnăm đơ̆ng rŏng dơ̆ng, vei sơđơ̆ng ƀlep tơdrong gơh jang păng tŭn pran hơmet ming hla ar bơ̆jang.