Sơnăm 2025 ‘noh sơnăm blŭng Hơnih tơm bơ̆ jang kiơ̆ trong jang hle đơ̆ng rŏng hơgrop, tơdrong jang tŏk lơ, tơdrong vei lăng să, pơ đĭ dôm tơdrong jang tih, tơdrong jang tơnap tap. Hơnih tơm hlôi akŏm pơrô̆ akŏm jang rim tơdrong jang tơm, iŏk đei jơnei hơ iă, lơ̆m ou đei tơdrong jang keh đang ăn gre gơh kơdou trong gre rĕnh Tu - Pơbăh đơ̆ng Cao Bằng truh tơ̆ Cà Mau, tơchĕng hơlou truh vă đĭ sơnăm 2025 pơjing đei 3.345km jăl tơm trong gre rĕnh. Thủ tướng hôn bơnê tơdrong tơgop đơ̆ng hơnih lơ̆m atŏk tơ iung trong, hnam oei tơpôl, tơ iung pơjing ming man hnam trương tơring sơlam teh đak, tơring kơdrơ̆m, tơ iung pơjing tơring tơrang ‘nao, xut xa hnam pơgia hnam hnăt hnot.  Thủ tướng pơma hơdăh, sơnăm 2026 trong tơlĕch ăn tôch kơtang, lơ̆m ou tŏk mŭk drăm kăl iŏk đei 2 kơsô̆, kơ yuơ lơ loh Hơnih jang vei lăng Ming man kăl hơdrin tŏk đei 2 kơsô̆. Găh tơdrong vă jang trong gre treng rĕnh Tu - Pơbăh, Thủ tướng athei: lơ̆m khei 12 ou dăr lăng hơlen dơ̆ng dôm tơdrong vă khei 1/2026 rơ̆ih trong tơmơ̆t jên jang, rơih kmăi kmŏk, lơ̆m khei 1/2026 hloi kăl rơih đei trong tơmơ̆t jên jang hloi.