Kiơ̆ tơbăt đơ̆ng Hơnih tơm tơ iung pơjing ming man, truh dang ei, lơ̆m teh đak đei 234 hơnih jang, tơdrong vă jang tơ̆ 34 dêh char, pơlei tơm đei tôm rơvơn vang iung jang, lơ̆m ou đei 148 tơdrong vă jang iung jang pămg 86 hơnih jang et hơtŏk, ăn gre kơdou. Tơdrong pơgơ̆r ou gô đei pơgơ̆r lơ̆m năr 19/12/2025. Thủ tướng pơma hơdăh, tơdrong mă ou tơgoăt dơ̆ng rim ‘măng iung jang ming man, et hơtŏk hơdrol kơ ‘noh, tơdrong jang kăl hloh lơ̆m tơdrong jang chinh trĭ, muk drăm, kơkuh chơt hơ iă Hop akom tih pơting dih băl ‘mêm kơ eng teh đak ‘măng mă XI păng Hop akom tih mă XIV kơ Đảng, adoi pơjing jơhngơ̆m pran, hơyak ‘nao pơtrŭt tŏk mŭk drăm tĕnh koăng păng kơjăp ‘lơ̆ng lơ̆m dôm sơnăm kơnh. Thủ tướng athei rim hơnih tơm, hơnih jang, tơring hơnơ̆ng dăr lăng mă kơjăp, hơmet ăn mă brĕ, pơjao jang mă hơdăh, sơđơ̆ng ‘lơ̆ng kơjăp.