Iung pơma tơ̆ jơ pơm lêh, Thủ tướng  pơma hơdăh ‘nou jĭ tơdrong pơgơ̆r toch gĭt kăl “hơyak blŭng”, tơplih đơ̆ng jăl jang kiơ̆ trong tơlĕch jang đơ̆ng Đảng jing hơyak iung jang kiơ̆ lơ̆m bơ̆ jang atŏk tơ iung jên hu-kmăi kmŏk gơh hơgei, tơgop pơtrŭt kơtang atŏk tơ iung kơ teh đak. Thủ tướng athei Khul kơdră chĕp pơgơ̆r Teh đak păng rim hơnih tơm, hơnih bơ̆ jang tĕnh koăng jang keh đang tơdrong tơchơ̆t kăl, lei lăi hăm tơdrong pơkăp ‘lơ̆ng apŭng plĕnh teh; tơtom hơmet pơ ‘lơ̆ng tơhlăk tơhlĭn khôi luơ̆t, bơ̆ jang pơm hla bơar; akŏm khul jang ăn kmăi kmŏk kơsô̆, jên hu rơgoh ‘lơ̆ng; tơmơ̆t jên jang kơtang ăn sơđơ̆ng jên hu, jang kiơ̆ AI păng Big Data lơ̆m dăr lăng hơlen đei tơdrong ou to. Thủ tướng athei Hơnih vei lăng kon pơlei kơ pơlei tơm Hồ Chí Minh hrôih tơlĕch tơ iung pơjing hơnih tơm hăm kmăi kmŏk hơgei, jang kmăi kmŏk kơsô̆ 100% tơdrong pơm hla bơar, tơdrong pơjei păng trong tơgŭm djru, vă hơvơn đei kon jên tơmơ̆t jang, ba hơnih tơm jing hơnih atŏk tơ iung kơtang tơpă kơ teh đak.