Kiơ̆ trong pơprŏ jang, Hơnih tơm Nô̆i vŭ gô chih tơlĕch trong pơtho tơbăt hơgrop jing mĭnh hơnih bơ̆ jang, hơmet pơ ‘lơ̆ng keh kong khul kơdră chĕp pơgơ̆r kiơ̆ trong kơtoei, jơnei, sơđơ̆ng bơ̆ jang. Dôm nơ̆r pơtho tơbăt ou kăl keh đang hơdrol năr 25/4. Adoi, Hơnih tơm jei pơtho tơbăt hloi găh sa jên khei, jên hơnăp jang, pơprŏ ăn khul kang ƀô̆ bơ̆ jang, hơdrol năr 30/7. Hơnih tơm jang jên hu đei pơjao pơtho tơbăt hơmet ăn kon jên jang, hơmet pơ ‘lơ̆ng mŭk drăm, groi teh, hơnih bơ̆ jang, adoi nhen bơ̆ jang pơjao dôm hla bơar tơchơ̆t, mŭk drăm, keh đang hơdrol năr 25/4. Hơnih tơm tơ iung pơjing ming man iŏk jang pơtho tơbăt hơmet ăn hơnih bơ̆ jang ‘nao ăn khul kơdră chĕp pơgơ̆r păng rim hơnih bơ̆ jang ƀơm truh. Thủ tướng athei rim hơnih tơm, hơnih jang iung jang hơdoi, pơjao tơdrong jang hơdăh bơngai, hơdăh tơdrong jang, sơđơ̆ng ăn tơring tơlĕch jang kiơ̆ Khul kơdră chĕp pơgơ̆r ‘nao đơ̆ng năr 1/7/2025; pơkă sơđơ̆ng ăn ‘lơ̆ng hơ iă kơ kon pơlei, mă kăl ‘noh hŏk tro mưh hơmet ming tơring, phương, hnam pơgang apŭng.