Pơma tơ̆ lêh tơlĕch jang, Thủ tướng Phạm Minh Chính akhan, ‘nâu jĭ tơdrong tôch gĭt kăl tơƀôh hơdăh trong vă jang đunh đai, đon hơpơi ‘mĕh atŏk tơiung kon bơngai, jơhngâm đon ‘mêm mơnat mă Đảng, Teh đak păng kon pơlei ‘măn ăn mih ma duch nă bơngai kon kông păng tơring kon kông.

Vă dôm tơdrong jang gơ̆h jang đang hrôih, đei tơmât yoa păng hơnhăk ba tơdrong ‘lơ̆ng, Thủ tướng pơjao ăn Kơdră tơm vei lăng Hơdrĕch kon kông păng tơdrong lui khop, Kơdră tơm vei lăng pơtho pơhrăm, dôm anih tơm, anih jang kơpal đei ƀơm truh, mă loi jĭ đe Bí thư, Kơdră vei lăng kon pơlei dôm tơring akŏm jơhngâm chĕp kơ̆l pơgơ̆r mă ‘lơ̆ng, tơtom sek tơlang dôm tơdrong pơmat tat, tơhlăk tăk, vang tơgŭm ăn dôm anih iŏk jang, ming man, roi tơƀôh trong dăr lăng tơlĕch dôm tơdrong jang hăm đon adrin jang dêh hlŏh.