Kơsơ̆ 12/1, Thủ tướng Phạm Minh Chính, Kơdră Anih pơgơ̆r jang kơ teh đak găh hla ar chih răk, hlôi pơgơ̆r ‘Măng hop akŏm mă Mônh kơ Anih pơgơ̆r jang, đei pơgơ̆r kơtă tơ̆ Anih bơ̆jang Khŭl kơdră teh đak păng trực tuyến hăm 34 dêh char, pơlei tơm lơ̆m teh đak. Kiơ̆ roi tơbăt, tơdrong tơlĕch jang hơnih vei lăng hla ar chih răk kơ teh đak găh kon pơlei oei sa hlôi hơnhăk ăn đei yua ‘lơ̆ng, hăm 107 triệu roi tơbăt kon pơlei đei vei lăng păng 50 tơdrong đei yua đei chih tơmơ̆t lơ̆m VNeID, tơgop kăt tơ jur 30–50% jên pơm kiơ̆ ăn kon pơlei păng anih mơdro sa.

Truh dang ei, 3.289 lơ̆m akŏm kơsô̆ 3.321 xăh, phường hlôi tơmơ̆t hơdai lơ̆m hơnih chih răk kơ teh đak găh teh. Iung pơma pơgơ̆r, Thủ tướng pơma hơdăh, hla ar chih răk ‘noh jĭ tơdrong ‘lơ̆ng vă hơtŏk tơiung đon gơh hơgei, yua thoi noh đĭ đăng anih tơm, anih jang, tơring athei jăh pơjing, tơgoăt hơdai păng iŏk jang đei yua hơnih hla ar chih răk. Thủ tướng pơma hơdăh, vei sơđơ̆ng hla ar chih răk athei đei tơdrong ‘lơ̆ng vă vei lăng hla ar chih răk kơ teh đak, hơdrĕch hơdrŭng păng hloh 100 triệu ‘nu kon pơlei.