Tơ̆ jơ pơm jang, Thượng tướng Đỗ Xuân Tụng pơgơ̆r lơ̆m khei năr truh, Hơnih tơm Khul linh vei sơlam teh Đăk Lăk kăl pơtoi băt hơdah tơpôl tơ̆ tơring, tơlĕch jang drơ̆ng minh dôm trong jang vei sơlam teh; hơtŏk tơdrong tang găn păng tơjră dôm tơdrong pơm glăi tơ̆ tơring sơlam; jang atŭm kơjăp hăm rim khul jang đei tơrĕk păng khul linh vei sơlam teh Campuchia lơ̆m vei lăng tơring sơlam teh.

Thượng tướng Đỗ Xuân Tụng adoi tơrĕk hăm hơnih linh athei vei sơđơ̆ng tơpôl lơ̆m khei năr kăp gĭt, mă kăl noh lơ̆m 'măng pôk rơih bơngai jang tang măt Kuô̆k hô̆i jăl 16 păng bơngai tang măt Hô̆i đŏng kon pơlei 2 tăl jăl jang 2026–2031; pơtoi tơlĕch jang đei jơnei dôm tơdrong pơkăp jang tơgŭm kon pơlei hơtŏk mŭk drăm – tơpôl; jang tơnăp tơdrong kơchăng tơjră, pơgơ̆r ăn ƀô̆ đô̆i păng kon pơlei sơng Têt Nguyên đan sơđơ̆ng, mong răk, tơguăt tơguăl, 'mêm kơ-eng.