Đơ̆ng ‘năr 5/6 truh dang ei, khul linh dêh char Quảng Ngãi hlôi sir lơ hơbong vă tơchă ƀât jê̆ pơsat linh lôch tang ăn teh đak phường Đăk Cấm păng tơter trong Trường Chinh vă chă kơting linh lôch tang ăn teh đak. Khul jang kơpal akŏm 3 tŏ kơmăy chưk, gre tih, 3 tŏ kơmăy radar hơlen năng lơ̆m teh kŭm hăm lơ tơmam, kơmăy kơmŏk ki thuơ̆t vă pơyoa ăn tơdrong sir chă.

Pơgê 29/6, khul jang kơpal chă ƀôh, kôch iŏk 1 kơ̆l linh lôch tang ăn teh đak păng chơ vih tơ̆ hnam soi, soh plang nhang. Truh hơlen năng kơtă ƀât anih sir chă, Thượng tướng Lê Quang Minh athei khul jang hơnơ̆ng chă hơlen năng mă ‘lơ̆ng, ưh đei lon anih yơ păng vei lăng sơđơ̆ng ‘lơ̆ng ăn đe kăn ƀô̆, linh mưh bơ̆ jang sir chă.