Iung pơma tơ̆ jơ pơm lêh, Kơdră tang măt teh đak Việt Nam tơ̆ Nhật Bản Phạm Quang Hiệu pơma hơdăh tơdrong tơgop tih tên đơ̆ng rim hơnih tơm, hơnih jang păng tơdrong kăl kơ tơdrong iung jang hơdoi ƀar păh Hơnih jang tơbôl hăm rim hơnih bơ̆ jang anai lơ̆m tơdrong jang atŏk tơ iung teh đak. Tơ̆ jơ pơm lêh, tang măt ăn rim hơnih bơ̆ jang pơma pơkăp gô hơnơ̆ng kơrŭn đĭ ai, iung jang hơdoi kơjăp hăm rim hơnih bơ̆ jang tang măt jang tơbôl tơ̆ tơring, iung jang keh đang tơdrong jang chinh trĭ kơ rim hơnih bơ̆ jang, vang tơgop ăn tơdrong atŏk tơ iung kơ Việt Nam, Nhật Bản păng tơdrong tơgoăt tơgoăl ƀar teh đak. Đei băt, Hơnih tang măt teh đak Việt Nam tơ̆ Nhật Bản gô hơnơ̆ng pơgơ̆r lơ tơdrong jang ‘măn ăn rim păh jang hơdoi Nhật Bản, Kon pơlei Việt Nam tơ̆ Nhật Bản, lăng truh 80 sơnăm Kĕch mang Khei Tơhngam jơnei tih tên păng năr Lêh Quốc khánh 2/9.