Hăm pơkăp “Tơjê̆ kon pơlei, tơguăt hăm kon pơlei păng chĕp ti chơng trong jang”, dêh char Lâm Đồng hlôi pơjing đei 2.765 Khŭl jang gah kơmăi kơsô̆ tơ̆ rim thôn, pơlei hăm jê̆ 16.800 'nu vang jang kơtă tơgŭm ăn kon pơlei băt yua kơmăi kơsô̆. Tơdrong jang pơtho iŏk yua kơmăi kơsô̆ đei tơlĕch jang drơ̆ng minh; 100% kang ƀô̆, bơngai jang đei pơhrăm hơdrol.

Atŭm hăm dôm lăm pơhrăm kơtă, lơ tơdrong akŏm pơtho kiơ̆ kơmăi kơsô̆ adoi đei pơgơ̆r, hơvơn lơ kon pơlei vang năm hŏk. Kiơ̆ Hơnih jang Khua hŏk păng Kơmăi kơmŏk dêh char Lâm Đồng, rim tơring lơ̆m dêh char adoi hăt hot pơjing lơ trong jang tơchăr hơgei păng jang đei jơnei gah tơplih kơmăi kơsô̆.