Lơ tơdrong tơnap tap, tơhlăk tơhlĭn đei pơtruh dah hrôih sek tơlang pơklaih. Tơdrong ming man jăl trong kơdou hrenh Bảo Lộc – Liên Khương jing tơdrong jang mă hơtuch kơ tơdrong ming man jăl trong kơdou hrenh Dầu Giây – Liên Khương hơtaih jê̆ 74km. Đei pơkăp să ăn 4 tong gre yak hơdoi, lơ̆m jăl 1 drơh trong să 17m (4 tong gre kơdou hơdoi, kơdou hrenh truh 80 km/h), ming man kiơ̆ tơdrong jang teh đak păng tơ-'ngla vang ming man (PPP), tơdrong pơkăp ming man – tĕch pơdro – pơjao (BOT), hăm kơsô̆ jên asong jang ah jăl 1 noh hloh 17.700 ti hlj. Khei năr ming man lơ̆m 30 năr.

Pơma ah jơ pơm jang, ƀok Nguyễn Hồng Hải, Phŏ Kơdră Anih jang vei lăng kon pơlei dêh char Lâm Đồng pơtruh nơ̆r hăm dôm anih jang đei tơrĕk dah tenh kuăng pơm keh đang hla bar kiơ̆ trŏ tơchơ̆t. Mă kăl noh tơdrong hrŭ 'mong iŏk teh ming man, thu iŏk teh athei pơm jang mă kơchăng, 'lơ̆ng kơjăp. Anih Choh jang xa păng Cham char akŏm tơgŭm, pơklaih tơnap tap đei tơrĕk truh tơdrong hrŭ 'mong păng asong anih oei xa sơđơ̆ng đơ̆ng rŏng kơ iŏk teh ming man jăl trong.