Sơng iŏk nơ̆r krao hơvơn đơ̆ng Tổng Bí thư Ban Chấp hành Trung ương Đảng Cộng sản Việt Nam Tô Lâm, Kơdră chĕp pơgơ̆r Teh đak Cộng hòa xã hội chủ nghĩa Việt Nam Lương Cường, Tổng Bí thư Ban Chấp hành Trung ương Đảng Cộng sản Trung Quốc, Kơdră chĕp pơgơ̆r teh đak Cộng hòa nhân dân Trung Hoa Tập Cận Bình gô iung năm tơmang teh đak Việt Nam đơ̆ng năr 14 - 15/4/2025. Bơngai tang măt Việt Nam tơ̆ Trung Quốc Phạm Thanh Bình tơbăt: Tơgoăt tơgoăl Việt Nam - Trung Quốc khei năr ou ki vei kơjăp hơyak atŏk tơ iung pran kơtang, ‘lơ̆ng hơ iă păng đei lơ trong ‘lơ̆ng jang hơdoi lơ̆m rim tơdrong jang. ‘Măng năm tơmang jĭ jơ ‘năr vă Kơdră kơpal ƀar Đảng, ƀar teh đak hơnơ̆ng pơma dơnuh dih băl trong jang kăl, hơlen dơ̆ng găh tơgoăt tơgoăl ƀar Đảng, ƀar teh đak, mă kăl ‘noh dôm tơdrong iŏk đei lơ̆m jang kiơ̆ dôm tơdrong drơ̆ng mĭnh nơ̆r kơdră kơpal, sơkơ̆t hơdăh rim trong vă jang, trong jang tih pơtrŭt kơtang tơgoăt tơgoăl ƀar Đảng, ƀar teh đak Việt Nam-Trung Quốc atŏk tơ iung sơđơ̆ng, tơpă păng jơnei hloh dơ̆ng lơ̆m khei năr kơnh.