Tơ̆ jơ sơng, Tổng Bí thư Tô Lâm sơkơ̆t hơdăh, Việt Nam lăng kơjăp atŏk tơ iung tơgoăt tơgoăl hăm Hoa Kỳ, ‘meh vă tơgoăt tơgoăl ƀar păh hơnơ̆ng kơtang, jơnei păng sơđơ̆ng lơ̆m rim tơdrong jang, mă kăl găh tơdrong jang mŭk drăm, mơdro sa păng tơmơ̆t jên jang, kơ yuơ đei iŏk yua ăn kon pơlei păng hơnih mơdro sa kơ ƀar teh đak. Ƀok Daniel Rosen pơkăp, gô pơtrŭt kơtang jang hơdoi găh khoa hŏk kmăi kmŏk, kmăi kmŏk hơgei, tơgoăt ƀar păh rim bơngai khoa hŏk Việt Nam hăm rim bơngai khoa hŏk Hoa Kỳ păng rim teh đak, tơ iung pơjing dôm tơdrong vă jang hơdoi hơdăh găh khoa hŏk kmăi kmŏk, kmăi kmŏk hơgei, vei lăng tơdrong hơgei. Ƀok Daniel Rosen sơkơ̆t hơdăh, pơkăp gô hơdrin hloh dơ̆ng tơlĕch jang rim tơdrong vă jang tơmơ̆t jên jang tơ̆ Việt Nam, tơgop lơ̆m tơdrong atŏk tơ iung kơ Việt Nam păng tơgoăt tơgoăl Việt Nam - Hoa Kỳ.