'Măng năm tơmang đei pơgơ̆r lơ̆m khei năr Việt Nam 'nao keh đang kơchư̆k kơdră kơpal, tơƀôh tơdrong lăng tơgĭt hăm Ấn Độ – hăm trong jang tôm tơdrong păng jing buăl juăt đơ̆ng đunh sơ̆. Jĭ minh lơ̆m 3 teh đak mă blŭng iung jang tơbôl ou hăm Việt Nam, Ấn Độ hlôi atŭm hăm Việt Nam hơtŏk jang tơbôl kơjăp hloh lơ̆m mơjĭt sơnăm kơ ou, chŏng mă tơdrong hơtŏk tơ-iung adoi oei đei.

Lơ̆m khei năr tơpôl lơ̆m tơring păng lơ̆m apŭng plenh teh oei lơ tơsŭl tơsăl, atŭm hăm tơdrong hơtŏk kơtang kơ 2 teh đak jang mŭk drăm, 'măng năm tơmang jing 'măng vă kơdră kơ 2 teh đak pơma đam, sơkơ̆t trong jang hơdoi lơ̆m jăl jang 'nao. 'Nou adoi jing trong hiôk vă hơtŏk tơguăt jang đơ̆ng rim hơnih jang tơm, rim tơring, rim hơnih jang mŭk drăm, mă kăl lơ̆m dôm tơdrong jang kơmăi kơmŏk 'nao, iung pơm jang păng tơplih 'nao gơh hơgei.