Akhan tơdrong jang tơbôl đơ̆ng rŏng kơ Hop akŏm mă XIV kơ Đảng iŏk đei lơ tơdrong gĭt kăl, Tổng Bí thư, Kơdră teh đak athei Anih pơgơ̆r jang hơtŏk hơnăp jang chĕp kơ̆l pơgơ̆r, sek tơlang đei yoa ‘lơ̆ng dôm tơdrong tih, ƀơm truh rim anih jang. Anih iŏk jang tơm ‘nŏh jĭ Anih tơm jang tơbôl đei pơjao chih pơkeh dôm tơdrong hơgăt kiơ̆ trong “6 rơđăh”: rơđăh bơngai, rơđăh tơdrong jang, rơđăh jơnăr, rơđăh hơnăp jang, rơđăh tơmam, rơđăh tơdrong gơ̆h jang.

Găh tơdrong jang ƀât măt dang ei athei akŏm lơ̆m 6 khei hơtuch sơnăm 2026, Tổng Bí thư, Kơdră  teh đak pơma hơdăh, athei chih pơkeh hloi dôm hla ar kăl pơih trong vă Anih pơgơ̆r jang gơ̆h bơ̆ jang hrơ̆ch ‘lơ̆ng, đei yoa; pơjao ăn khul kơdră chĕp kơ̆l Anih pơgơ̆r jang vang jang hơdoi hăm Anih tơm jang Tư phap, Anih tơm vei lăng jang kơmăy, tĕch mơdro, dôm anih jang kơpal, tơring tơrang hơlen năng rim tơdrong mưh bơ̆ jang kiơ̆ dôm nơ̆r pơkăp lơ̆m apŭng plenh teh, dôm tơdrong drơ̆ng nơ̆r gĭt kăl hăm teh đak đe; pơgơ̆r hơlen năng 1 sơnăm bơ̆ jang kiơ̆ tơdrong Tơchơ̆t 59; pơjing trong jang gĭt kăl, đunh đai găh jang tơbôl ‘lơ̆ng hlŏh dơ̆ng.