Tổng Bí thư, Kơdră teh đak Tô Lâm pơma dơnuh hăm Kơdră chĕp kơ̆l teh đak New Zealand
Thứ sáu, 08:11, 14/08/2026
VOV/Thuem tơblơ̆
VOV/Thuem tơblơ̆
VOV.Bahnar - Pơgê 13/8, đơ̆ng rŏng Lêh sơng tih đei pơgơ̆r tơ̆ Anih jang Kơdră chĕp kơ̆l teh đak, pơlei tơm Auckland, New Zealand, Tổng Bí thư, Kơdră teh đak Tô Lâm hlôi pơma dơnuh hăm Kơdră chĕp kơ̆l teh đak New Zealand, yă Dame Cindy Kiro.
Tơ̆ jơ pơma dơnuh, 2 păh drơ̆ng nơ̆r hơnhăk tơdrong pơvei Jang hơdai Gĭt kăl Tôm tơdrong Việt Nam-New Zealand jing 1 jăl jang ‘nao. Kiơ̆ lơ̆m kơchư̆k jang vei lăng tơdrong pơvei ASEAN - New Zealand jăl jang 2024-2027, Tổng Bí thư, Kơdră teh đak Tô Lâm pơma hơdăh Việt Nam gô hơdrin đĭ jơhngơ̆m vă hơnhăk tơdrong pơvei 2 teh đak yak mơ̆t jrŭ să, tơpă hloh dơ̆ng.
Kơdră chĕp kơ̆l New Zealand pơma hơdăh 2 teh đak ưh khan lăp đei lơ tơmam ‘lơ̆ng lơ̆m jang hơdai 2 pang mă pơđĭ hloi lơ̆m dôm tơdrong lơ pang. 2 păh drơ̆ng nơ̆r hơnơ̆ng jang hơdai kơjăp păng tơgŭm dih băl tơ̆ dôm hop akŏm lơpang, tơgop pơm hơnih rơngei, sơđơ̆ng, jang hơdai păng hơtŏk tơiung tơ̆ tơring kŭm nhen lơ̆m apŭng plĕnh teh.
Viết bình luận