Tơ̆ xăh dang ei đei 1 pơsat linh lôch tang ăn teh đak hăm 357 tŏ pơsat. Lơ̆m noh, 220 tŏ pơsat tam mă băt hơnăn, đei nơ̆r athei set hơlen năng ADN vă gơ̆h băt hơdăh hơnăn. Kăl pơma, đơ̆ng ‘năr 28/7 truh 6/8/2026, Anih chĕp kơ̆l khul linh xăh Đăk Pék, dêh char Quảng Ngãi pơgơ̆r ăn khul linh năm sir chă tơ̆ thôn 16/5 păng sir chă đei 10 kơ̆l linh lôch tang ăn teh đak.

Tơ̆ hơnăp kơnh, xăh Đăk Pék hơnơ̆ng vei kơjăp tơdrong sir chă, chih hơdăh rim tơdrong tơroi găh linh, pơsat linh lôch tang ăn teh đak; pơgơ̆r hơlen năng tơ̆ yăn âu hăm rim nơ̆r roi tơbăt, atŭm hăm ‘nŏh hơtŏk tơdrong dăr lăng, hơmet pơ ‘lơ̆ng pơmat tat, pơm ‘lơ̆ng ăn tơdrong jang “500 măng năr”. Lêh pơdong ƀŭ đe linh lôch tang ăn teh đak ‘nao chă ƀôh gô đei pơgơ̆r lơ̆m ‘năr 14/8/2026 tơ̆ pơsat linh lôch tang ăn teh đak Đăk Glei.