Pơma nuh hăm kon pơlei tơ̆ âu, Tổng Bí thư, Kơdră teh đak Tô lâm chơt hơiă đei tơƀâp tơpôl bơngai Việt tơ̆ New Zealand kŭm hăm bơngai dơ̆ng tang ăn mih ma duch nă truh đơ̆ng dôm teh achon kông lơ̆m đak dơsĭ găh Pơbăh Thái Bình Dương. Tổng Bí thư, Kơdră teh đak ăn tơbăt, 'măng năm ngôi mă âu tơ̆ New Zealand vă hơnơ̆ng pơm hơtŏk tơdrong pơvei, jang hơdoi đơ̆ng Việt Nam păng New Zealand roi đunh roi 'lơ̆ng, roi đei yoa.

Tổng Bí thư, Kơdră teh đak hơpơi 'meh kon pơlei oei xa tơ̆ teh đak đe hơnơ̆ng hơtŏk tơdrong mât mĭnh ƀơ̆r đon, vang pơjing tơpôl pran kơjăp, hơnơ̆ng hưch 'mêm kơ hơdrĕch hơdrung, hue lăng truh tơ̆ pơlei pơla, teh đak păng tưk tơiung tơdrong pơvei, jang hơdoi 'lơ̆ng hơiă đơ̆ng Việt Nam păng New Zealand kŭm nhen hăm dôm teh đak achon kông nai, roi đunh roi pran ‘lơ̆ng.