Hmach thơ thâu kơ ƀok Rajpal Singh đei pôk pơm Bơngai tang măt ăn teh đak Singapore tơ̆ Việt Nam, Thủ tướng Lê Minh Hưng pơma hơdăh Singapore hơnơ̆ng jing teh đak jang hơdai gĭt kăl hloh kơ Việt Nam lơ̆m tơring. Thủ tướng athei 2 păh pơvei păng tŭn pran dôm ‘măng năm ngôi, tơƀơ̆p pơma dơnuh kơdră kơpal păng rim kơdră; hơtŏk ‘lơ̆ng đei yua tơlĕch jang dôm trong jang tơgŭm 2 pang, lơ̆m noh đei trong jang hop akŏm rim sơnăm đơ̆ng 2 Thủ tướng păng Hop akŏm Kơdră tơm tơgoăt 2 teh đak jang mŭk drăm.

Thủ tướng athei 2 păh hơnơ̆ng jang hơdai kơjăp pơgơ̆r jơnei Pơma dơnuh Gĭt kăl Việt Nam - Singapore ‘măng mă mônh kŭm nhen dôm tơdrong jang tih lơ̆m sơnăm 2027 bơ̆t Singapore iŏk hơnăp jang pơm Kơdră ASEAN păng Việt Nam iŏk pơgơ̆r APEC; pơtrŭt hơdăh ‘lơ̆ng dôm nơ̆r pơkăp, drơ̆ng nơ̆r kơdră kơpal đơ̆ng 2 teh đak.