Pơma tơ̆ jơ tơƀâp, Tổng Bí thư, Kơdră teh đak Tô Lâm pơma hơdăh athei hơmet pơ ‘lơ̆ng dôm đon tơchĕng ưh kơlăp akhan rơih hơmet ‘nŏh vă vei anih, jĭ pơrĕng gô truh kơdih păng năng tơdrong rơih hơmet hơdrol jĭ tơdrong ‘lơ̆ng ưh jor gô iŏk jang 1 kơchư̆k hơyơ ‘nŏh, yoa mưh đei rơih hơdrol bơih ‘nŏh jĭ tơdrong chih tơbăt đơ̆ng khul tơpôl bơih mă lei kŭm jing pơtơm mât lơ̆m 1 jăl pơtâp pơhrăm pơmat hlŏh dơ̆ng, athei hơlen năng mă kơjăp păng rơih hơmet mă trŏ. 

Kiơ̆ tơdrong ‘nâu, Tổng Bí thư, Kơdră teh đak Tô Lâm athei, hơlen năng kăn ƀô̆ ưh kơsĭ lăng kiơ̆ hla ar hô sơ ‘lơ̆ng, khei ‘năr jang tŏk hiôk hian, chih hơlen atŭm atŭm, iŏk đei kơphiu lui lơ, nhen vă pơtrŏ đĕch, mă athei hơlen năng dôm tơdrong đei yoa đơ̆ng bơ̆ jang, tơdrong gơ̆h sek tơlang dôm tơdrong pơmat tat, đon lui tơpă tơ̆ yăn âu, đei bưng ai tih lơ̆m tơpôl, đei kon pơlei lăp đon păng kơsô̆ chih răk găh tơdrong jang đei chih tơƀôh rơđăh ‘lơ̆ng.