Tổng Bí thư, Kơdră teh đak Tô Lâm hơlen lăng, Việt Nam đei tơmam ‘lơ̆ng, đei jên jang, tơdrong vă ‘noh jĭ trong jang vei lăng, iŏk jang, hơvơn, klăih song, iŏk yua păng hơtŏk tam mă kiơ̆ tom ‘meh vă hơtŏk tơiung ‘nao. Tơ̆ hơnăp kơnh ‘meh iŏk đei tơdrong hơgăt jang tŏk 2 kơsô̆, tơdrong tôch kơ gĭt kăl ‘noh jĭ tơplih ‘nao đon tơchĕng găh kon jên jang. Tổng Bí thư, Kơdră teh đak Tô Lâm athei akŏm lơ̆m 6 grŭp hơnăp jang, trong jang ‘noh jĭ: “Pơjing trong pơgơ̆r jang hiôk ‘lơ̆ng akŏm tôm jên tơmam jang”.

Kăl ‘noh jĭ teh, jên jang, tơproh tơdrong jang, ming man, mŭk tơmam teh đak, anih chă jên jang, jang hơdai, chih răk kơsô̆, iŏk yua kơmăy hơgei, khoa hŏk - kơmăy kơmŏk, tơdrong jang mŭk drăm ‘nao păng trong jang pơlong lăng đei vei lăng. Lơ̆m pơjing trong pơgơ̆r jang, athei hŭt đĭ đon tơchĕng “ưh kơ vei  đei ‘noh kơ̆m”; 1 tơdrong lăp hơgăt tơ̆ 1 luơ̆t; hơmet ming tôch ai hla ar bơ̆jang; tơplih pran đơ̆ng hơdrol jô̆ hơlen jing đơ̆ng rŏng jô̆ hơlen đei vei lăng; vei sơđơ̆ng khôi luơ̆t rơđăh, tơpăt, sơđơ̆ng, đei trĕng lăng”.