Pơgê brei (17/06), tơ̆ Hơnih hop akŏm tơm kơ Anih tơm vei lăng khŭl lĭnh pơgơ̆r tih Hop akŏm bơngai tang măt lơ̆m teh đak Khŭl vei lăng lĭnh so Việt Nam ‘măng mă VIII jăl jang 2026-2031 hăm hơnăn: Hơtŏk jơhngơ̆m đon ‘lơ̆ng “Ƀô̆ đô̆i ƀok Hồ” joăt joe “Mĭnh jơhngơ̆m đon - Tơgoăt tơgoăl - Pơm jŭk yŭk trong hơlâu - Tơplih ‘nao”; pơjing Khŭl vei lăng lĭnh so Việt Nam rơgoh, pran kơjăp, jang đang hơgei hơnăp jang.

Pơma tơ̆ Hop akŏm, Tổng Bí thư, Kơdră teh đak Tô Lâm pơma hơdăh, teh đak bơ̆n yak mơ̆t lơ̆m chăl hơtŏk tơiung hăm hơpơi ‘meh tih, hơgăt kơ jung păng ‘meh vă tôch kơ tơtĕnh; jơ năr ‘noh, athei tơlĕch ăn hăm Khŭl vei lăng lĭnh so Việt Nam ưh khan lăp jang ‘lơ̆ng hơnăp jang joăt joe, mă athei tơplih ‘nao pran kơtang tơdrong jang, trong bơ̆jang; hơtŏk ‘lơ̆ng pơgơ̆r Khŭl jang. Kiơ̆ lơ̆m jơhngơ̆m đon âu, Tổng Bí thư, Kơdră teh đak Tô Lâm athei, Hop akŏm bơngơ̆t truh pơma dơnuh, drơ̆ng nơ̆r bơ̆jang kiơ̆ hơnăp jang pơjing Khŭl vei lăng lĭnh so Việt Nam pran kơjăp tôm tong, tơpă jing khŭl jang chĭnh trĭ - tơpôl lui ngeh kơ Đảng, Teh đak păng Kon pơlei.