Tổng Bí thư, Kơdră teh đak Trung Quốc Tập Cận Bình năm tơmang Kơpal truh Việt Nam
Thứ hai, 10:30, 14/04/2025
Lan chih tơblơ̆
Lan chih tơblơ̆
VOV4.Bahnar – Sơng iŏk nơ̆r hơvơn đơ̆ng Tổng Bí thư Ƀan Châ̆p hanh Trung ương Đảng Cộng sản Việt Nam Tô Lâm, Kơdră teh đak Cộng hòa XHCN Việt Nam Lương Cường, 'năr ou (14/4) Tổng Bí thư Ƀan Châ̆p hanh Trung ương Đảng Cộng sản Trung Quốc, Kơdră teh đak Trung Quốc Tập Cận Bình pơtơm 'măng năm tơmang Kơpal truh teh đak bơ̆n lơ̆m 2 năr, vă pơtoi hơtŏk tơdrong jang tơbôl juăt jue “buăl juăt rah, 'nhŏng oh rah” Trung-Việt păng hơtŏk đon lui hăm dih băl, pơm kơhret jang hadoi hơtŏk pơjing jơnŭm jang hơnô̆ hơnăp kơnh Việt Nam-Trung Quốc tơnăp păng hơ-iă hloh.
'Nou jĭ 'măng năm tơmang teh đak đe mă blŭng lơ̆m sơnăm 2025, 'măng năm tơmang Việt Nam mă 4 đơ̆ng ƀok Tập Cận Bình hăm kơchư̆k jang kơdră kơpal hloh kơ teh đak Trung Quốc păng Jĭ 'măng mă 2 lơ̆m minh jăl pơm jang.
Phŏ Thủ tướng, Ƀô̆ trương Anih tơm jang tơbôl Bùi Thanh Sơn ăn tơbăt, kơchĕng lơ̆m khei năr oei tơmang, Tổng Bí thư, Kơdră teh đak Tập Cận Bình đei tơdrong pơma đam kơpal hăm Tổng Bí thư Tô Lâm păng Kơdră teh đak Lương Cường, đei tơdrong pơma đam hăm Thủ tướng teh đak bơ̆n Phạm Minh Chính păng Kơdră Kuôk hô̆i Trần Thanh Mẫn vă pơma đam gah dôm trong tơlĕch jang tơm vă hơtŏk tơbôl 2 teh đak lơ̆m tôm tơdrong pơm jang.
Viết bình luận