Pơma ah 'măng akŏm hăm kon pơlei tah hla, Tổng Bí thư Tô Lâm ăn tơbăt, dôm tơdrong tơlĕch jang lơ̆m khei năr truh đei: vei sơđơ̆ng chĭnh trĭ, hơtŏk tenh, sơđơ̆ng 'lơ̆ng ăn teh đak, pơtoi hơtŏk tơdrong hơrih ăn kon pơlei; athei hơvơn jơhngơ̆m pran đơ̆ng tôm hơnih jang chĭnh trĭ păng tôm kon pơlei vă pơm kiơ̆ dôm sơnong jang ou.

Gah minh ƀar tơdrong jang tih kơ pơlei tơm Hà Nội, Tổng Bí thư Tô Lâm akhan kăl tơplih 'nao gah đơ̆ng tơchĕng hơtŏk tơ-iung, pơ̆n tơchĕng pơ̆n pơm jang chiu pŭ sơnong jang pơyua atŭm. Jơnŭm pơgơ̆r tơring 2 tăl athei mă hơbĕch, jang tơnăp, tơguăt hăm kon pơlei, hăm pơkăp pơm jang hơdah ăn rim sơnong jang mă kon pơlei pơtruh. Tổng Bí thư lui ngeh, Đảng ƀô̆, jơnŭm pơgơ̆r tơring păng kon pơlei Hơnih tơm gô pơtoi iŏk jang kiơ̆ juăt jue rơbou sơnăm, tơguăt tơguăl, kơ̆l 'ngok rơgei, vă hơnhăk Hà Nội hơtŏk kơtang, tơgăl jĭ hơnih tơm gah chĭnh trĭ, mŭk drăm, joh ayŏ, khua hŏk, pơtho pơhrăm kơ jơ̆p teh đak.